ikasNOVA gelak - Aula ikasNOVA gela - Ikasnova

Ikaskuntza aktiboko toki bat, non ikasteko modu bat baino gehiago izanen dituzun eskura eta elkarrizketaren bidez eta elkarlanean arituz ikasi eta berdintasunezko testuinguru bat partekatuko duzun. Eskura izanen dituzun tokiaren eta teknologiaren diseinuak berak lagunduko dizu bakarka eta taldean ikasitakoaz eta bizi izandakoaz hausnartzen, elkarri eragiten, sortzen, partekatzen eta komunikatzen eta, orobat, funtsezko konpetentziak bultzatuko dituzu, konpetentzia digitalari bereziki
erreparatuta.

Hezkuntza eta eskola ulertzeko moduaren aldaketa eta eraldaketa bultzatu nahi dira gela hauekin Nafarroan.

ikasNOVA gelei eusten dieten hiru zutabeetako bat da. Eraldatzeko eta aldatzeko prozesua bultzatzen du. Gelan biziko diren ikaskuntza-esperientziak eta -egoerak bere eginen ditu eta haiei zentzua emanen die.

Ikaskuntzaren pertsonalizazioan oinarrituko da eta hartan ikasleak benetako
protagonistak izanen dira. Irakasleek gidatuta, beren ikaskuntza ibilbidea diseinatuko dute.

Hartara, gela ezin hobeak dira funtsezko konpetentziak eta berariazko konpetentziak garatzeko eta, orobat, ikasle guztien inklusioa lortzeko, ikaskuntzarako diseinu unibertsalaren jarrabideei jarraikiz.

Aukera metodologikoei dagokienez, gela egokiak dira esparruka lan egiteko,
irakaskuntza partekaturako, mailen arteko eta diziplinarteko lanerako, talde
elkarreragileekin elkarlanean aritzeko, proiektuetan oinarritutako ikaskuntzarako, arazoetan oinarritutako ikaskuntzarako, ikaskuntza-estazioetarako, ikaskuntza kooperatiborako...

Pedagogiari erantzuten dion zutabeetako beste bat da. Gune irekiak, malguak eta mugikortasun handikoak dira, esperientzia, parte-hartze eta digitalizazio arloetako zereginak ahalbidetzen dituztenak.
Altzariak funtzionalak dira, egokitzeko modukoak, ikasleek beren proiektuak eta jarduerak modu parte-hartzaileagoan egin ditzaten.

Teknologia balio erantsia ematen duen baliabidea da; lana aberastu eta ikaskuntza hobetzen du eta, horretaz gainera, konpetentzia digitala bermatzen du.

"Konpetentzia digitalak berekin dakar teknologia digitalak modu seguru, osasungarri, jasangarri, kritiko eta arduratsuan erabiltzea, ikasteko, lanerako eta gizartean parte hartzeko, bai eta haiekiko interakziorako." 67/2022 Foru Dekretua.

Helburua da ikasleak XXI. mendeko erronka orokorretarako prestatzea, baita eguneroko bizitzaren alderdi eta arazoetarako ere.

Araudia eta curriculumak