Laguntza - Aula ikasNOVA gela - Ikasnova
Laguntza - Aula ikasNOVA gela
Emaitzak
IkasNOVA gelen arduraduna izateak puntuak ematen ditu lekualdatze-lehiaketan?
IkasNOVA gelen arduraduna izateak ez du zuzenean punturik ematen lekualdatze-lehiaketan.
Lanpostu osagarri honekin egiazta daitekeena Irakaskuntzako Gaitasun Digitaleko B1 maila da, irakasleak kargua elkarren segidako bi urtez bete duenean, IKD EBALUAZIO GIDA - Ikasnova adierazten den bezala:
3. Bidea: B mailetarako jarduera profesionalaren eta hezkuntza-programetan parte-hartzearen bidezko ibilbidea
Ibilbide honetan, 2016-2017 ikasturtetik aurrera, bi urtez jarraian honako lanpostu osagarrietako bat bete duten irakasleak ofizioz akreditatuko dira:
● KD B1 mailarekin, Ikastetxeko Plan Digitalaren Arduradunak eta ikasNOVA gela arduradunak.
Irakaskuntzako gaitasun digitalaren egiaztapen horrek puntuak ematen ditu lekualdatze-lehiaketarako merezimenduen baremoaren 5.4 atalean deskribatzen denaren arabera.
IkasNOVA gela ikasgelen proiektuari dagokionez, bat egin al daitezke puntuak, adibidez justifikazioa eta testuingurua?
Bai, proiektuak informazio guztia jasotzea eskatzen da, baina ez da beharrezkoa puntuka bereiztea. Proiektua baloratzerakoan irakurketa orokorra eginen da. Informazioa jasota badago, adierazitako ordenean edo proposatutako puntuekin ez egotea ez du garrantzirik.
Non aurki dezaket ikasNOVA gelaren proiektu pedagogikoa baloratzeko erabiliko den errubrika?
Informazio guztia, errubrikaren esteka barne, hemen aurkitu dezakezue:
https://aulaikasnovagela.educacion.navarra.es/condicionado-y-solicitud
Noiz argitaratuko da udalentzako laguntzen deialdia?
34E/2025 Ebazpena, 2025eko apirilaren 15ean argitaratu da. Eduki osoa esteka honetan duzue.
IkasNOVA gelarako proiektu pedagogikoak zein baldintza bete behar ditu?
Proiektua PDF formatuko jatorrizko dokumentu batean idatziko da. Gehienez ere 14 orrialde izanen ditu, azala eta aurkibidea barne. Alde batetik zenbakituta, lerroarte bakunarekin, Arial letran idatzia eta 12 puntuko tamainarekin, konprimatu gabe. Grafika eta tauletan 10 puntuko Arial letra erabili daiteke.
Kasuak hala eskatzen badu, nahitaezko eranskinak ere sartu beharko dira. Eranskin hauek, 14 orrialdez osatuta dagoen dokumentu nagusitik kanpo daude.
Nahi izanez gero, aurreko eranskinei bertze bi gehitu daitezke. Eranskin horietako bakoitza 3 orrialdekoa izanen da, gehienez ere, eta proiektua argitzeko argazkiak jarriko dira; ez dute informazio gehigarririk ekarriko.
Informatika-gelako espazioa, ikasNOVA gela sortzeko erabiltzen badugu, bertan zegoen ekipamenduarekin zer eginen dugu?
Ekiporen bat kendu nahi izanez gero, IKT zerbitzuekin harremanetan jarri eta eskatu egin behar da. Mantentze-lanetako enpresa ekipoak jasotzera pasako da.
https://www.educacion.navarra.es/web/serviciostic
Beste espazio batzuetan berrerabili nahi ez diren informatika-gelako altzariei dagokienez, beharrezkoa da Hezkuntzako Azpiegituren Zerbitzuarekin harremanetan jartzea eta altzari horiek kentzeko eskatzea.
https://www.navarra.es/eu/nafarroako gobernua/organigrama/-/id/unitatea/10000784